[:kk]Семей әкімі Ермак Сәлімов коронавирус жұқтырды.
Бұл туралы шенеунік Instagram желісіндегі парақшасында жазды.
“Құрметті жерлестер! Сіздерге келесі жағдайларды мәлімдеу міндетім деп есептеймін, бүгін Covid-19 анықтау мақсатында тапсырған тест оң нәтиже бергені белгілі болды. Шектеулерге қарамастан көп адамдармен белсенді түрде тығыз байланыста жүргізілген жұмыстар өз әсерін көрсетті деуге болады”, – деп жазды әкім.
Әкім қашықтан жұмыс жасайтынын айтты.
“Мүмкіндігінше онлайн жұмыс жүргізуге тырысамын. Барлық Семейліктерді сақтық шаралары мен санитарлық қызметтердің ережелерін сақтауға шақырамын. Өздеріңізді және жақындарыңызды сақтаңыздар!”, – деп жазды Сәлімов.[:]
