Қазақстан 3 қарашаға қараған түні магнитудасы 6,3 болған қатты жер сілкінісінен кейін Ауғанстанға медициналық көмек көрсетуді жалғастыруда
Президенттің тапсырмасы бойынша өткен аптадан бері жұмыс істеп келе жатқан гуманитарлық жүк және медициналық бригада жіберілді. Мемлекеттік резервтен дәрі-дәрмектер, хирургиялық құралдар, таңғыштар, шатырлар, төсек-орын жабдықтары және басқа да қажетті ресурстар жеткізілді, деп хабарлайды ҚР Денсаулық сақтау министрлігінің баспасөз қызметі.
Миссия құрамына көптеген жарақаттармен, полижарақаттармен және шұғыл жағдайлармен жұмыс тәжірибесі бар мамандар кірді.
Қазақстандық бригаданың құрамында дәрігерлер медициналық көмек көрсетеді:
Академик Батпенов атындағы ҰҒТОО -нан: О. Бекарысов, Д.Ғалым, А. Долгов, Р. Әбілов, Б. Тұрлыбеков;
Ұлттық нейрохирургия орталығынан: С. Карібай, Н. Әшіров, А. Қадыров;
Ұлттық шұғыл медицинаны үйлестіру орталығынан: А. Сатыбалдин, С. Нұртазин, Р. Сәлімов, А. Қыдырбаев, Г. Түсіпбеков.
Осы уақыт ішінде қазақстандық дәрігерлер ондаған консультациялар өткізіп, зерттеп-қарап, операциялар жасады. Мамандар жергілікті дәрігерлерге пациенттерді орналастыруға, хирургиялық емшаралар кезегін жоспарлауға, бірлескен талдаулар жүргізуге және ең қиын жағдайларда көмекке келеді.
