Әскери госпитальда Tengrinews.kz тілшісіне сарбаздың жағдайы туралы айтылды. Дәрігерлер комадан шыққан Нұржігіт Әбділпатта қазір қандай жағдайда екенін айтты, бірақ әскери дәрігерлер әзірге ешқандай болжам жасаған жоқ. Олардың айтуынша, 19 жастағы жігіттің жағдайы әлі де тұрақсыз.
“Мұның қандай қауіпті және белгісіз ауру екенін түсіну керек – полисегментті пневмония. Бұл өкпенің қабынуы, онда бірнеше функционалды сегменттер зақымдалады. Солдатта дәл осы өкпенің полисегментті қабынуының қарқынды дамуына байланысты, қанға оттегі әлдеқайда аз түскен кезде, ол комаға түсті. Ауруханада ол реанимация бөлімінде жатыр, онда оны тәулік бойы әскери дәрігерлер бақылайды және емдейді. Әскери госпитальдың реанимациясы барлық қажетті заттармен: өкпені жасанды желдетудің заманауи аппараттарымен, дәрі-дәрмектермен және жабдықтармен жарақтандырылған”, – деді Алматы ҚМ әскери клиникалық госпиталінің жетекші терапевті, медицина қызметінің майоры Болат Тасыбаев.
Дәрігерлер сарбазды емдеп, қалпына келтіру үшін барлық жағдай жасалып жатқанын хабарлады. Ал сарбаздың ата-анасына госпитальда ұлының қасында болу мүмкіндігі берілген.
Еске салайық, бұған дейін Жамбыл облысында әскери борышын өтеп жатқан сарбаз әлімжеттік құрбаны болған. Әскерде жүргеніне небары 23 күн өткенде қостанайлық 19 жастағы Нұржігіт Әбдіпатта комадан бір-ақ шыққаны хабарланған болатын.
