[:kk]2021 жылдан бастап диплом беру жүйесі өзгереді[:]

[:kk]2021 жылдан бастап диплом беру жүйесі өзгереді, деп хабарлады ҚР білім және ғылым саласындағы бақылау комитетінің төрайымы Гүлназ Көбенова
⠀
«Келесі 2021 жылдан бастап, жоғарғы оқу орындары мемлекеттік нұсқадағы диплом бермейді, жекеленген дипломдар беретін болады. Соған орай жоғарғы оқу орындарының кадр даярлауда жауапкершіліктері артпақ. Бұл жерде университеттерге түлектерін ары қарай жұмысқа орналастыру мәселесі де жүктелетін болады», – дейді ол.
⠀
Сондай-ақ, Көбенова ЖОО рейтингін анықтау барысында қандай шарттарға сүйенетінін айтты. Оның сөзінше енді университет түлектерін жұмысқа орналастыру бойынша ЖОО-лардың өздері айналысатын болады. Ал түлектердің жұмысқа орналасуы бойынша ол жердегі білім деңгейін еркін анықтауға болады.
⠀
«Жоғарғы оқу орындарындағы білім жүйесіне талдау жүргізу өте маңызды. Ол жұмыс берушімен бірлесе отырып тексеріледі. Жұмыс іздеу ұзақтығы қанша уақытқа созылды, жалақының мөлшері қандай деген секілді бірқатар мәселелер қарастырылады» – дейді Гүлназ Көбенова.[:]