Әкімнің ұлы оқушы қызды ұрған: Ата-анасы қалай жазаланды?

Павлодар облысының кәмелетке толмағандардың істері жөніндегі мамандандырылған ауданаралық соты қаулысының көшірмесіне қарағанда, баланың анасына 51 688 теңге көлемінде әкімшілік айыппұл салынған. Сот оның әрекетінен 13 жастағы ұлын тәрбиелеу міндетін орындамағанын көрді.

Осылайша, сот екі тарапқа бірдей жаза тағайындады. Еске салайық, бұған дейін соққыға жығылған жетінші сынып оқушысының анасына да 51 688 теңге айыппұл салынғанын хабарлаған едік.

Айта кетейік, бұған дейін интернетте Павлодар облысында аудан әкімінің ұлы оқушы қызды соққыға жыққаны туралы ақпарат пайда болған еді. Ақпаратты Оқу-ағарту министрлігі растады.