Жинақта Алашорда үкіметінің төрағасы, ұлт көсемі, мемлекет және қоғам қайраткері, энциклопедист ғалым Әлихан Бөкейханның ұлттық және адамзаттық ой-сана биігіндегі нақыл сөздері жинақталып берілген. Барша саналы ғұмырын қайтпас қайсар рухтағы күрескерлікпен өткізген отаншыл тұлғаның ел мен жер тағдыры, ұлт азаттығы мен рухани кемелділігі, саяси-әлеуметтік реформалар мен аграрлық мәселелер, ана тілі мен ата тарихы, діні мен ділі, мәдениеті мен әдебиетіне қатысты парасатты толғамдары, зерделі ойлары қамтылды.
Кітапша ата тарихын, ұлт қайраткерлерін ардақтайтын қалың қауымға арналған.
