Азаматтардың қауіпсіздігі мәселелеріне әлемдік жұртшылықтың назарын аудару, ТЖ қаупі төнген және туындаған кезде қауіпсіз мінез-құлық қағидаларын сіңіру, құтқару қызметтерінің беделін арттыру және олардың қызметін насихаттау мақсатында 1 наурызда Дүниежүзілік азаматтық қорғаныс күні атап өтіледі.
Жыл сайын Халықаралық азаматтық қорғаныс ұйымының шешімімен бұл күн Жаңа ұранмен өтеді. Осы жылы Дүниежүзілік азаматтық қорғаныс күнінің ұраны: «Азаматтық қорғаныс қызметіндегі инновациялық технологиялар».
Дүниежүзілік азаматтық қорғаныс күнін мерекелеу аясында Төтенше жағдайлар министрлігі азаматтық қорғаныс айлығының жоспарын бекітті, ол тек мереке күні ғана емес, бүкіл наурыз айында халықты барынша қамтуды қамтамасыз етуге мүмкіндік беретін іс-шараларды қамтиды.Өңірлерде барлық жерде ашық есік күндері, семинарлар, викториналар, конкурстар, халықтың әртүрлі санаттарымен көрсетілімдік оқу-жаттығулар мен жаттығулар, оның ішінде барлық деңгейдегі білім беру объектілерінде ашық сабақтар өткізіледі.
