Алматыда М. Лермонтов атындағы Ұлттық орыс драма театры ғимаратының алдында қала әкімдігінің қолдауымен «біздің сүйікті дәрігеріміз» – атақты актер Юрий Померанцевтің қола мүсіні ашылды. Салтанатты шараға Алматы әкімі Ерболат Досаев,меценат Нұрлан Смағұлов, шығармашылық зиялы қауым өкілдері, қоғам қайраткерлері және т. б. қатысты, деп хабарлайды қала әкімінің баспасөз қызметі.
«Бұл – біздің қала мен оның мәдениеті үшін маңызды оқиға. Мен үшін нағыз алматылық, көрнекті театр және кино әртісі, режиссер, ҚазКСР халық әртісі, еңбек ері, Қазақстанның Еңбек Ері, бәріміз «біздің сүйікті дәрігер» ретінде жақсы көретін Юрий Борисович Померанцевке арналған ескерткіштің ашылуына қатысу ерекше құрмет. Менің артымда оның туған театры бар. Юрий Борисович – өз кәсібіне, өнеріне және театрына адалдықтың айрықша үлгісі. Ол мұнда 70 жылға жуық қызмет етті және Лермонтов атындағы Ұлттық орыс драма театрының сахнасына адал болды», – деді Алматы әкімі Ерболат Досаев.
Мүсін Нұрлан Смағұлов қорының бастамасымен және қолдауымен орнатылды. Смағұлов атап өткендей, «Алматы Юрий Борисовичсіз Алматы болмас еді. Ол қаламызды өте жақсы көрді,зиялы қауым және алматылықтардың көптеген ұрпақтары үшін өшпес мұра қалдырды! Біздің Қор Юрий Борисович бәріміздің жадымызда қалуын өзіне міндет санады. Меніңше, мүсіннің суретшілер, көрермендер немесе студенттер бейнесінде тағы бір қасиетті бөлігі пайда болуы мүмкін, біздің орыс драма театрының дәстүрлерін еске алу мақсатында».
Бұл – Нұрлан Смағұлов Қоры қала тұрғындарына сыйлаған төртінші мүсін. Қазақстандық меценаттың ойынша, қалада көрнекті алматылықтардың мүсіндер сериясы пайда болуы тиіс.
Шәкен Аймановтың алғашқы мүсіні 2019 жылы «Алматы» қонақ үйінің жанына орнатылды – бұл сол кездегі шығармашылық зиялы қауым жиналған және «Тақиялы періште» киносы түсірілген орын. Герольд Бельгердің екінші мүсіні 2021 жылы ашылды, ол Герольд Карлович соңғы жылдары тұрған үйдің жанында орналасқан. Қазақстандық альпинист Анатолий Букреевтің шыңға шығар алдындағы демалу сәтін бейнелеген мүсіні Медеу шатқалында орналасқан.
Юрий Померанцевтің мүсінін әйгілі қазақстандық мүсінші Нұрлан Далбай жасаған. Мүсіннен біз жас, бақытты, күш пен үмітке толы Юрий Борисовичті көреміз, ескерткіште Шәкен Айманов (1957 жыл) түсірген «Біздің сүйікті дәрігер» фильміндегі дәрігердің бейнесі жақсы көрініс тапқан.
Ескерткіштің ашылу рәсіміне әртістің туыстары, достары, М.Лермонтов атындағы Ұлттық орыс драма театрының актерлері мен қызметкерлері келді.
«Мен Қазақстанда дүниеге келдім және 60 жылдан бері Лермонтов атындағы Ұлттық орыс драма театрында жұмыс істеймін. Юрий Борисовичтің қасында менің бүкіл өмірім өтті, оның ішінде сахна артындағы және гастрольдік. Ол бүгінде әлемдегі кез-келген театрдың сахнасын айшықтайтын адам және керемет актер болды. Біз әлемнің түкпір- түкпірін жиі аралаймыз, бірақ театрға, өнерге деген осындай керемет және ерекше көзқарасты мен тек Қазақстанда ғана кезіктірдім, соның арқасында біздің театр жылдан жылға жақсарып келеді», – деді ашылу салтанатында ҚР Еңбек сіңірген әртісі Геннадий Балаев.
Көзі тірі болса, 2023 жылдың 11 ақпанында Померанцев өзінің 100 жылдық мерейтойын атап өтер еді. Юрий Померанцев – театр және кино актері, режиссер, Ұлы Отан соғысына қатысушысы. Юрий Померанцев «Ерлігі үшін» медалімен, II дәрежелі Отан соғысы орденімен, «Қазақстанның Еңбек Ері» атағымен, сондай-ақ көптеген ордендермен марапатталды.
Ол өзінің мансабын Алматы сахнасында 1943 жылы Абай атындағы опера және балет театрының хорында бастаған, кейін ТЮЗа актері, ал 1954 жылдан бастап Лермонтов атындағы орыс драма театрында болды. Померанцев Кеңес киносының алтын қорына енген фильмдерде 300-ден астам рөлді сомдады. Алматылықтардың жадында аты аңызға айналған актер «біздің сүйкімді дәрігер» ретінде мәңгі сақталады.
