Құсбегіліктен Қазақстан құрамасы VI Дүниежүзілік көшпенділер ойындарындағы алғашқы алтын жүлдесіне қол жеткізді. Қаршыға салу бәсекесінің қорытындысында ұлттық құрама мүшесі Серікболсын Жалғасұлы қарсыластарынан озып, жеңіс тұғырының ең биік сатысына көтерілді.
Жарыс «Бүркіт салу» бағыты бойынша жалғасуда.
Айта кетейік, құсбегілеріміздің VI Дүниежүзілік көшпенділер ойындарына қатысуына Республикалық Құсбегілік Федерациясының Бас серіктесі – «Самұрық-Қазына» ҰӘҚ» АҚ, сондай-ақ ҚР Туризм және спорт министрлігі, «Туризм индустриясы мен спортты қолдау қоры» КҚ қолдау көрсетуде.
